05.01.2023

“Penguin” Azərbaycanda keyfiyyət baxımından analoqu olmayan yeni dekorativ boyaların istehsalına start verdi. Beynəlxalq “ISO” standartlarına tam cavab verən “Penguin”in yeni boya növü su əsaslıdır, tərkibində zərərli kimyəvi birləşmələr yoxdur və narahatlığa səbəb ola biləcək spesifik boya qoxusu yaymır. Boyanın istehsal prosesində yüksək keyfiyyətli xammaldan və dünyanın qabaqcıl avadanlıqlarından istifadə olunur.

Dekorativ “Penguin” boyasının özəlliyi boyamadan sonra səthdə orijinal vizual effektin əmələ gəlməsidir. Dekorativ boya vasitəsilə istənilən səthdə ağac, məxmər, ipək və digər materialların təqlidini yaratmaq mümkündür. Boya insan sağlamlığı üçün tam zərərsiz olduğu üçün mənzillərin və ya fərdi evlərin, müxtəlif müəssisələrin istənilən növ otaqlarının divarlarında bəzək yaratmaq üçün istifadə oluna bilər.

“Penguin”in dekorativ boyası təmir və təkrar boyanmaya ehtiyac olmadan, xarici görünüşünü itirmədən 10 ildən çox davamlı qalır. Yeni boya növü ilə yaxından tanış olmaq üçün “Penguin”in rəsmi  satış nöqtələrinə müraciət etmək olar.

“Penguin” “CMT Group” şirkəti tərəfindən istehsal olunan Azərbaycanın aparıcı boya markasıdır. “Penguin” boyaları haqqında ətraflı məlumatı www.penguin.az saytı, (+994 50) 285 94 21 nömrəli əlaqə mərkəzi və ya boyanın sosial şəbəkə səhifələri vasitəsilə əldə edə bilərsiniz.